الثلاثاء، 17 مايو 2011

قرص عقيلي

صارلي مده معتمده طريقة كويتيه في امريكا


وصراحه ضبطت معاي من اول مره بدون فشل والحمدالله


طبعا بما اني بطاليه وناطره الوظيفه امي اقترحت علي اني اشغل نفسي بلطبخ والتفنن على قولتها لان هذا شيئ ضروري من ضروريات الانوثه الي امي تفتقدها فيني


وبصراحه انا اوافقها هلشي البطاله خلتني افتقد اشياء اكبرها شخصيتي صرت صبي على قولتها






ادري  قلتلكم قصة حياتيي




ندش بموضوعنا الي اهوه قرص العقيلي طريقة  اختنا كويتيه في امريكا من منتدى كويتيات


اليوم سويته
وقلت احطه بلمدونه لان صارلي مده مادري شكتب


وهذي المقادير


3 بيضات
قفشة صغيره فانيليا
كوب سكر
كوب روب (نحط الروب بكوب القياس)
نص كوب زيت
2 كوب طحين
2 ملعقه وسط بيكنج باودر
1 ملعقة هيل
1 ملعقه صغيرة زعفران مفتت
2 ملعقه كبيره ماي ورد
سمسم




الطريقه


نخلط البيض مع الفانيليا لما ينتفش
بعدين نخلط معاه الشكر لما يذوب الشكر
نحط الروب
بعدين الزيت
نحط الهيل والماي ورد والزعفران
ونخلط


نحط البيكنج باودر
والطحين


وهذي اهيه الخلطه




مو واضحه الصوره بس لونها بيكون اصفر

انا سويت الكيك بمكينة المعمول

وهذي صورة اول دفعه

نحط السمسم بعدين الخلطه







لاحظوا ان في كيكه بيضه عالجنب ماخليتها تطول بالمكينه


وهذيي اخر دفعه